ერთ სივრცეში მოძალადე, კორუმპირებულ, ძირგამომპალ ადამიანთან, რომელიც მართავს კრიმინალებს, მე ყოფნას არ ვაპირებ -  ამ სიტყვებით დატოვა თბილისში მერობის ოპოზიციის საერთო კანდიდატმა, ნიკა მელიამ საზოგადოებრივ მაუწყებელზე მერობის კანდიდატების დებატები. დებატების დატოვებამდე ნიკა მელიამ კახა კალაძეს სიტყვით მიმართა.

პირველ რიგში, აქ მოვედი იმისთვის, რომ "ქართული ოცნების" გენერალურ მდივანს პირადად ვუთხრა, თუ რა ამორალურად მოძალადე და კორუმპირებული ადამიანები არიან დღეს რეალურად ხელისუფლებაში. მოვედი იმისთვის, რომ ვუთხრა, ეს ადამიანები არაფერს თაკილობენ ძალადობენ მშვიდობიან მოქალაქეებზე, ძალადობენ დღისით-მზისით და ეს ადამიანი დღეს რომ აქ არის წარმოდგენილი, უსაზღვროდ კორუმპირებული და კრიმინალების მფარველი, ამას სჩადის - დღეს ყველამ ძალიან კარგად ვიცით დმანისში რა გააკეთეს. ეს არის ადამიანი, რომელიც უნდა დამარცხდეს ქართველი ხალხის მიერ....

ერთ სივრცეში, მოძალადე, კორუმპირებულ, ძირგამომპალ ადამიანთან, რომელიც მართავს კრიმინალებს, მე ყოფნას არ ვაპირებ,- თქვა ნიკა მელიამ.

"სულ კარგად ბრძანდებოდეთ. მიკროფონი დაგვიტოვე, მიკროფონი და ისე გადი," - მიაძახა მას კახა კალაძემ.