სისტემის მხილება შიგნიდან - ჯაჭვლიანი "ოცნების" ბოსებს ამხელს

25.09.21 20:37
სისტემის მხილება შიგნიდან -  ჯაჭვლიანი "ოცნების" ბოსებს ამხელს

ირაკლი კობახიძის ამარა დარჩენილმა პარტიამ ბიძინა ივანიშვილის ერთგულ კადრებზე ნადირობის სეზონის გახსნა. 2012 წელს მიხეილ სააკაშვილის წინააღდეგ ბრძოლაში სოსო ჯაჭვლიანი ბიძინა ივანიშვილის გვერდით ერთ-ერთი პირველი დადგა. ომიც ივანიშვილთან ერთად გამოიარა, ახლა კი ამ ომში გამარჯვებული ,,ქართული ოცნება" მისსავე ჯარისკაცებს ებრძვის.

სოსო ჯაჭვლიანმა ყოფილი თანაგუნდელები "შაბათის ეთერში" ამხილა:

ირკვევა, რომ სვანი კაცისთვის ცოლის ქუჩაში ტერორი ბოლო ზღვარი იყო. სწყინს, რომ კალაძემ და თეა წულუკიანმა მისი განადგურება  განიზრახეს, რათა ივანიშვილის ერთგული კადრებისგან პარტია ბოლომდე დაცლილიყო.

სიმართლის თქმა სოსო ჯაჭვლიანს კახი კალაძის და მისი ცოლის ძმის გადაკიდების ფასი დაუჯდა. ყველაფერი იმით დაიწყო, რომ თბილისის მერმა განიზრახა, კინოსტუდია ,,ქართული ფილმი" ხელში ჩაეგდო და მის ხელმძღვანელად  ცოლის, ანუკი არეშიძის, მამიდა, მაია არეშიძე დაენიშნა. რაც ჯაჭვლიანმა არ გააკეთა.

სოსო ჯაჭვლიანს კახი კალაძე ამის შემდეგ საბოლოოდ გადაეკიდა. ჯაჭვლიანი პოლიტიკაში მოსვლამდე მკლავჭიდის ეროვნული ფედერაციის პრეზიდენტი იყო და ამ პოსტს დღემდე  ინარჩუნებს. ჯერ პარტიის მიღმა დატოვეს, შემდეგ კი უთხრეს, რომ ფედერაციიდანაც უნდა წასულიყო და ადგილი კალაძის ცოლის ძმის, გიორგი არეშიძის, საძმაკაცოსთვის დაეთმო.

საქართველოს მთავრობამ კალაძის ნებით მკლავჭიდის ფედერაციის დასამარება დაჩქარებული წესით დაიწყო. 2021 წლის 22 სექტებერს საქართველოს მკლავჭიდში მსოფლიოს ჩემპიონატისთვის უნდა ემასპინძლა. 

ყველაფერი მზად იყო, მთელი მსოფლიოდან 3000 სპორტსმენი ბათუმში ჩამოსასვლელად ემზადებოდა, თუმცა კულტურისა და სპორტის მინისტრმა ჯაჭვლიანი დაიბარა და ფაქტობრივად პირდაპირ უთხრა, რომ უნდა გადამდგარიყო. თუ არ წავიდოდა, კალაძის დაჯგუფების სპორტსმენები ამბოხებას მოაწყობდნენ, მსოფლიო ჩემპიონატს ჩაშლიდნენ და საქართველოს თავი საქვეყნოდ მოეჭრებოდა.

კალაძის შემდეგ სოსო ჯაჭვლიანის წინააღდეგ ბრძოლაში თეა წულუკიანი ერთვება. მან სოსო ჯაჭვლიანს უთხრა, მთავრობა მსოფლიო ჩემპიონატს მკლავჭიდში მხოლოდ იმ შემთხვევაში ჩაატარებდა თუ  კალაძის დაჯგუფებას ფედერაციაში ძალაუფლებას მისცემდა. 

საუბარი მინისტრსა და ფედერაციის ხელმძღვანელს შორის 2021 წლის ივლისში შედგა. ამ შეხვედრამდე ჯაჭვლიანს ეგონა, რომ ჩემპიონატი ტარდება. გარანტიები მთავრობის მეთაურისგან, ირაკლი ღარიბაშვილისგან, ჰქონდა მიღებული. ამიტომ ფედერაციამ მედლების ჩამოსხმა დაიწყო. დაამზადეს ასპარეზობისთვის საჭირო ინვენტარი. მსოფლიო ფედერაცია ოფიციალურ წერილებში წერდა, რომ 3000 სპორტსმენისთვის ბილეთები დაიჯავშნა, თუმცა სავარაუდოდ, ისევ კალაძის ბრძანებით, ყველაფერი თავდაყირა დადგა. საქართველოს მთავრობამ  მკლავჭიდის მსოფლიო ფედერაცია გადააგდო და 3000 სპორტსმენი ჰაერში დატოვა.

მსოფლიო ფედერაცია საქართველოს მთავრობას წერილს წერილზე უგზავნიდა. ვითარებაში გარკვევას ითხოვდა და პარალელურად დეტალურად ხსნიდა, რა შედეგით დასრულდებოდა მოლაპარაკების ჩაშლა. ყველა წერილი ღარიბაშვილის მთავრობამ უპასუხოდ დატოვა, საბოლოოდ საქართველოს, ჩემპიონატის მასპინძლობის უფლება ჩამოართვეს.  ახლა ქვეყანას 4 წლიანი დისკვალიფიკაცია აქვს და ჯარიმის სახით 800 ათასი დოლარის გადახდა მოუწევს.

 

 

 

მსგავსი სიახლეები