დაპირისპირება გმირთა მემორიალთან - ორგანიზაციის „დევნილები დევნილებისთვის“  წარმომადგენლები პოლიციას დაუპირისპირდნენ. დაკავებულია ორგანიზაციის თავმჯდომარე, ირაკლი ტორუა.

ორგანიზაცია აფხაზეთის მთავრობის გადადგომას ითხოვს. პოლიციამ მათ გმირთა მემორიალის ტერიტორია დაატოვებინა, რასაც სამართალდამცველებსა და ორგანიზაციის წარმომადგენლებს შორის შეხლა-შემოხლა მოჰყვა.

ორგანიზაციის წევრები გმირთა მემორიალთან აქციას აგრძელებენ.  პოლიციამ სპეციალური კორდონი გააკეთა.

სოხუმის დაცემიდან დღეს 28 წელი გავიდა. გმირთა მემორიალთან მთავრობის წარმომადგენლებს და პოლიტიკოსებს ელოდებიან.