რეჟიმის მხილება გიორგი ჩიკვაიძეს 9 წლით პატიმრობა დაუჯდა. სასამართლოს გადაწყვეტილებით, ჩიკვაიძეს ცხრა, მის ბიზნესპარტნიორს კი რვა წლით მოუწევს ციხეში ყოფნა. დაკავებული ბიზნესმენების ოჯახის წევრების შეფასებით, მოსამართლე იზა კელენჯერიძემ ჩაქუჩის ერთი დარტყმით რეჟიმის დაკვეთა პირნათლად  შეასრულა. გადაწყვეტილებას დარბაზში ხმაური და დაპირისპირება მოჰყვა.

გიორგი ჩიკვაიძე საგანგებოდ ამ ვერდიქტის მოსასმენად ციხიდან სასამართლოში ეტლით მიიყვანეს.  მის  ბიზნესპარტნიორს ირაკლი პაპიაშვილს კი ხელბორკილები სხდომათა დარბაზში დაადეს.  ოჯახი სამართლებრივი ბრძოლის გაგრძელებას აანონსებს. მანამდე კი ჩიკვაიძისთვის ექსპერტიზის ჩატარებას ითხოვენ. ბიზნესმენს ოჯახს ეჭვი აქვს, რომ რეჟიმის მამხილებელი პატიმარი ბიზნესმენი მოწამლეს.

დეტალები ნახეთ, მარიამ მაკასარაშვილსი რეპორტაჟში.