11 სინდისის პატიმრის სხდომაზე მისულმა მოწმე პოლიციელმა, ნიკოლოზ ხურცილავამ თქვა, რომ 6 თვის განმავლობაში ვერ ამოიცნო პირი, ვინც მას აქციაზე ქვა ესროლა და დაზიანება მიაყენა.

შესაბამისად, ბრალდების მოწმე ამბობს, რომ " მას ვერც 5-10 წლის შემდეგ ამოიცნობს".

ამის შესახებ პროკურატურის მოწმემ მას შემდეგ განაცხადა, რაც მას სასამართლოზე კითხვა რეჟიმის ტყვემ, რეზო კიკნაძემ დაუსვა. 

რეზო კიკნაძე: ამოიცნობთ თუ არა, ვინც ქვა გესროლათ?

მოწმე: კონკრეტულად იმის ნასროლი ქვა მომხდა თუ ამის, ვერ დავადასტურებ. არ ვიცი 

რეზო კიკნაძე: ანუ არ იცით და ვარაუდოს საფუძველზე ხართ აქ მოსული? შესაძლებელია ვარაუდოს საფუძველზე ყველა პროცესზე იაროთ, რომ როგორმე ვინმემ ამოიცნოთ? ამოცნობით ოდესმე ვინმეს? 

მოწმე: 6 თვე თუ ვერ ამოვიცანი, 6 თვის შემდეგ, 5-10 წლის შემდეგაც ვერ ამოვიცნობ.

დაკავებულებს - ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კინაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.