დედოფლისწყაროს მუნიციპალიტეტში, ზამთრის საძოვარზე არსებულ ფერმაში  ცოფით ძაღლის დაავადების  შემთხვევა დაფიქსირდა  - ინფრომაციას სურსათის ეროვნული სააგენტო ავრცელებს.

როგორც სეს-ი იტყობინება, 20 მაისს ლაბორატორიული კვლევის შედეგად, ცოფით ძაღლის დაავადების შემთხვევა დადასტურდა. ასევე დადგინდა, რომ ინფიცირების წყარო მგელია.

სურსათის ეროვნული სააგენტო დაავადების კერაში საკარანტინო ღონისძიებებს ახორციელებს, რაც სავალდებულო ვაქცინაციას, ცხოველების გადაადგილების შეზღუდვას, დეზინფექციას და ცხოველებზე ვეტერინარულ ზედამხედველობას გულისხმობს. შემთხვევის შესახებ ჯანდაცვის შესაბამის უწყებებს ეცნობა.

სააგენტო წერს, რომ ცოფი საშიში ზოონოზური დაავადებაა, რომლითაც ავადდება როგორც შინაური და გარეული ცხოველი, ასევე ადამიანი. ინფექცია ვრცელდება დაავადებულ ცხოველთან კონტაქტით (დაკბენა, დაკაწვრა). კლინიკური ნიშნების გამოვლენის შემდეგ, დაავადება ლეტალობით სრულდება. ცხოველებში ცოფის პრევენცია შესაძლებელია ვაქცინაციით.