ადვოკატი ვერიკო გაგუა Facebook-ის პირად გვერდზე წერს, რომ სანქცირებულმა მოსამართლე ზვიად ცეკვავამ ზურაბ ჯაფარიძის დაცვა 5 000 ლარით დააჯარიმა და 3 წლის ვადით იარაღის ტარების უფლება ჩამოართვა. 

3 წლით შემოსავლის წყარო მოუსპო "მოსამართლე" ზვიად ცეკვავამ იოსებ მაღრაძეს.

დააჯარიმა 5000 ლარით და იარაღის ტარების უფლება ჩამოართვა 3 წლით.

ზურაბ გირჩი ჯაფარიძის დაცვაა.

საქმის შეწყვეტის მოთხოვნა დავაყენე ყველა მტკიცებულებებით. მოსამართლემ შსს-ს წარმომადგენელს უთხრა გაიარე ეს თემა თქვენთანო და სხვა დღეს გადადო პროცესი, დღეს იყო გამოცხადება გადაწყვეტილების.

იოსებ მაღრაძე იცავს სხვის უსაფრთხოებას. ესაა მისი შემოსავლის ერთადერთი წყარო რომელიც შეუწყვიტა "მოსამართლემ". - წერს ვერიკო გაგუა. 

შეგახსენებთ, ზურა ჯაფარიძე სასამართლო სხდომათა დარბაზში გუშინ, 22 მაისს დააკავეს. მოსამართლე ირაკლი შვანგირაძემ კოალიცია "ცვლილებისთვის" ლიდერი პატიმრობაში გაუშვა. საქმე წულუკიანის კომისიაზე გამოუცხადებლობის გამო დაკისრებული ჯარიმის არგადახდას ეხება.