გელა გელაძის პირველი მიმართვა პოლიციელებს - შინაგან საქმეთა ახალი მინისტრი "სამართალდამცველებს", რომელიც ადამიანის უფლებების ტოტალურ დარღვევებში და მოქალაქეების ცემასა და უკანონო დაპატიმრებებში არიამ მხილებულნი, თავდადებისთვის უხდის მადლობას.

პოლიციის დღისადმი მიძღვნილ ღონისიძებაზე, მინისტრი ირწმუნებოდა, რომ შსს-ს წარმომადგენლები  "ფარად უდგანან სამშობლოს მომავალს".

პოლიციელის ფორმა ეს არ არის მხოლოდ სამოსი, ეს ნიშნავს ატარო ღირსება, ეს არის ფიცი, არა მხოლოდ სიტყვით, არამედ საქმით. ეს არის შინაგანი მოწოდება, რომელიც მოითხოვს სიმამაცეს, თავდადებას და მზაობას - ერთგულად ემსახურო ქვეყანას. საამაყოა, რომ თქვენ ამ რთულ გზას ღირსეულად გადიხართ. ყოველთვის ხართ იქ, სადაც ქვეყანას და ჩვენს მოქალაქეებს სჭირდებათ. თქვენ ხართ ის ძალა, რომელიც საფრთხეს უპირისპირდება თავდაჯერებით, სიმამაცით და უმაღლესი პროფესიონალიზმით. მადლობას გიხდით თქვენი თავდადებისთვის.

ძვირფასო პოლიციელებო, მინდა დაგარწმუნოთ, რომ სახელმწიფო და საზოგადოება აფასებს თქვენს შრომას და ძალისხმევას. ჩვენ ვხედავთ და ვიცით, რომ ყოველდღიური გამოწვევებისა და ფიზიკური თუ მორალური წნეხის მიუხედავად, ურყევად დგახართ უსაფრთხოების სადარაჯოზე და ფარად უდგახართ ჩვენი სამშობლოს მომავალს", - განცხადა გელა გელაძემ