5 დაღუპულიდან ერთი ბავშვია - რუსებმა ჩერნიგოვს დრონებით შეუტიეს
სულ მცირე ხუთი ადამიანი დაიღუპა რუსების მიერ უკრაინის ჩერნიგოვის ოლქის ქალაქ პრილუკიზე დრონებით შეტევის შედეგად. უკრაინული მედიის ინფორმაციით, დაღუპულებს შორის ერთი ბავშვია.
ასევე დაჭრილია 6 ადამიანი, რომლებიც ადგილობრივ საავადმყოფოებში არიან ჰოსპიტალიზებული, სადაც ისინი ყველა საჭირო დახმარებას იღებენ.
„წინასწარი ინფორმაციით, ხუთი ადამიანი დაიღუპა, მათ შორის ორი ქალი და ერთი წლის ბავშვი, რომლებიც ნანგრევების ქვეშ იპოვეს“, - განაცხადა ჩერნიგოვის საოლქო-სამხედრო ადმინისტრაციის ხელმძღვანელმა, ვიაჩესლავ ჩაუსმა.
ჩაუსის თქმით, თავდასხმის ადგილებში პოლიცია, მაშველები და საგანგებო სიტუაციების სხვა სამსახურები მუშაობენ.
