პროტესტის 191-ე დღე - რუსთაველის გამზირი გადაიკეტა
თათია აფრიამაშვილის და ლიკა ლორთქიფანიძის მხარდასაჭერმა საპროტესტო აქციამ საკანონმდებლო ორგანოსთან გადაინაცვლა - მოქალაქეები რუსთაველის თეატრის მიმდებარე ტერიტორიიდან პარლამენტამდე მსვლელობით მივიდნენ და რუსთაველის გამზირი გადაკეტეს.
პროტესტის რეჟიმში გადასულმა ადამიანებმა საავტომობილო გზაზე ბანერი გაშალეს, წარწერით - "თავისუფლება სტუდენტებს". მოქალაქეები, რომლებიც ადგილზე საქართველოსა და ევროკავშირის დროშით არიან მისულები, სკანდირებენ - "ძირს რუსეთის დამპალი იმპერია".
ცნობისთვის, მარიამ ლაშხის საჩივრის საფუძველზე, ილიაუნელებს - ლიკა ლორთქიფანიძესა და თათია აფრიამაშვილს 12-დღიანი პატიმრობა შეეფარდათ.
საქმე 17 მაისს მომხდარ ინციდენტს ეხება, როდესაც კაფეში მყოფ მარიამ ლაშხთან სამოქალაქო აქტივისტები მივიდნენ და "ქართული ოცნების" მმართველობა შეძახილებით გააპროტესტეს.
"თავისუფლება რეჟიმის ტყვეებს", "ძირს რუსული რეჟიმი" - სკანდირებდნენ აქტივისტები.
