9 ივლისს, 19:30 საათი, რუსთაველის ძეგლი - საპროტესტო მოძრაობა „300 ქალი“ სინდისის პატიმრების მხარდამჭერ აქციას აანონსებს. ამის შესახებ მათ მიერ გავრცელებულ ინფორმაციაშია ნათქვამი. 

აქციის ორგანიზატორები მოქალაქეებს მოუწოდებენ, თან იქონიონ ქოლგები - როგორც საერთო გზავნილის ნაწილი.

ოთხშაბათს, 9 ივლისს, 19:30 საათზე, საპროტესტო მოძრაობა „300 ქალი“ გამოდის სინდისის პატიმრების მხარდასაჭერად.

გამოვდივართ ქოლგებით — როგორც ერთობის, ძალისა და შეუპოვრობის სიმბოლო.

არ დავთმობთ ჩვენს შვილებს, არ დავთმობთ ჩვენს ქვეყანას, არ დავთმობთ თავისუფლებას!

ქალები ვერთიანდებით — სოლიდარობისთვის.

ვერთიანდებით — თავისუფლებისთვის.

ვერთიანდებით — გამარჯვებისთვის.

ვიკრიბებით რუსთაველის ძეგლთან და მსვლელობით წავალთ პარლამენტისკენ.
 

გთხოვთ, თან იქონიეთ ქოლგები.
9 ივლისს იქნება ქოლგების აქცია, - ნათქვამია ინფორმაციაში.