სინდისის პატიმრის, ანატოლი გიგაურის განაჩენი, თბილისის საქალაქო სასამართლოში, 8 აგვისტოს, 10:30 საათზე, გამოცხადდება. ამის შესახებ მისი ადვოკატი ლაშა ცუცქირიძე სოციალურ ქსელში წერს. 

უფლებადამცველის ინფორმაციით, 8 აგვისტოს ანატოლი გიგაური საბოლოო სიტყვას წარმოთქვამს და განაჩენიც ამავე დღეს გამოცხადდება. 

ახლახანს შემატყობინეს, რომ ანატოლი გიგაურის გადადებული სისხლის სამართლის საქმე ჩაინიშნა ზეგ, 8 აგვისტოს - 10:30 საათზე.

გიგაური იტყვის საბოლოო სიტყვას და იმავე დღეს გამოცხადდება განაჩენი.

ბრძოლა გრძელდება!" - წერს ლაშა ცუცქირიძე. 

ცნობისთვის, ანატოლი გიგაური სამართალდამცავებმა 25 ნოემბერს დააკავეს. გომელაურის უწყება ამტკიცებს, რომ ბრალდებული, ადგილზე საზოგადოებრივი წესრიგის დაცვისთვის მყოფ პატრულ-ინსპექტორს თავს დაესხა და მასზე ფიზიკურად იძალადა.

ანატოლ გიგაურს ბრალი სისხლის სამართლის კოდექსის 353-ე პრიმა მუხლით წარუდგინეს, რაც პოლიციელზე თავდასხმას გულისხმობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.