ქვემო ქართლში 44 წლის კაცი განზრახ მკვლელობის მცდელობის ბრალდებით დააკავეს. შინაგან საქმეთა სამინისტროში ამბობენ, რომ დაკავებულმა ყოფით ნიადაგზე დაწყებული ურთიერთშელაპარაკებისას, თანასოფლელს 31 წლის ახალგაზრდას ცივი იარაღის გამოყენებით, გულ-მკერდის არეში რამდენიმე ჭრილობა მიაყენა და შემთხვევის ადგილიდან მიიმალა.

დაჭრილი მამაკაცი სამედიცინო დაწესებულებაშია მოთავსებული.

სამართალდამცველებმა დანაშაულის ჩადენის იარაღი - დანა ნივთმტკიცებად ამოიღეს.

დანაშაული 15 წლამდე ვადით თავისუფლების აღკვეთას ითვალისწინებს

გამოძიება საქართველოს სისხლის სამართლის კოდექსის 19-108-ე მუხლით მიმდინარეობს.