სინდისის 8 პატიმრის დღევანდელი სასამართლო პროცესი დასრულდა. მოსამართლე თამარ მჭედლიშვილი სათათბიროდ გავიდა. მისი თქმით, ის გადაწყვეტილებას, სავარაუდოდ, 2 სექტემბერს 12:00 საათზე გამოაცხადებს. 

დღევანდელ პროცესზე სინდისის რვავე პატიმარმა ისარგებლა საბოლოო სიტყვით. 

დასკვნითი სიტყვა წარმოთქვეს ზვიად ცეცხლაძისა და ნიკოლოზ ჯავახიშვილის უფლებადამცველებმა. 

შეგახსენებთ, რომ:

• დაკავებული 8 პირიდან სამს - ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან. მათ 6-დან 9-წლამდე თავისუფლების აღკვეთა ემუქრებათ.
• ბრალდებულებიდან ხუთს - გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.

[ფოტო: არქივიდან]