პროსტიტუციისთვის ადგილის გადაცემის ბრალდებით ხელბორკილი პოლიციამ შოუბიზნესის წარმომადგენელს დაადო. ხატია წერეთელის დასაკავებლად სპეცოპერაცია სამეგრელოში ჩატარდა, მომღერალს პოლიციელებმა, ზუგდიდში, განუმარტეს, რომ ქალების პროსტიტუციაში ჩაბმის გამო იყო დაკავებული. დაკავების პარალელურად პოლიციამ დალუქა მომღერლის კუთვნილი მასაჟის ცენტრი მარჯანიშვილის ქუჩაზე.

მომღერლის დაკავების შესახებ მეგობრებმა ტელევიზიით შეიტყვეს, ამბავი მათთვის შოკისმომგვრელია. ადამიანები, რომლებსაც ხატია წერეთელთან მრავალწლიანი მეგობრობა აკავშირებთ ამბობენ, რომ მომღერალი სილამაზის სალონს 20 წელია ფლობს, ესთეტიკურ ცენტრში კი მხოლოდ სარელაქსაციო და სამკურნალო მასაჟს აკეთებდნენ. ხატია წერეთლის გარემოცვა ამბობს, რომ მომღერალს კონკურენტებმა ბიზნესიდან ჩამოცილების მიზნით უჩივლეს. 

დალუქული 13 ობიექტი და დაკავებული 11 ქალი - მომღერლის გარდა პროსტიტუციის ხელშეწყობისა ფართის გადაცემის მუხლით ხელბორკილი პოლიციამ საქართველოს და ჩინეთის მოქალაქეებს დაადო. აუ­დიო და ვი­დეო ჩა­წე­რის შე­დე­გად მო­პო­ვე­ბუ­ლი მტკი­ცე­ბუ­ლე­ბე­ბით დასტურდება რომ,  ობიექ­ტე­ბის მე­ნე­ჯე­რე­ბი და ად­მი­ნის­ტრა­ტო­რე­ბი, პროს­ტი­ტუ­ცი­ა­ში ჩაბ­მულ ქა­ლებს ხელს უწყობ­დნენ, მათ თბი­ლის­ში, მარ­ჯა­ნიშ­ვი­ლის, აღ­მა­შე­ნებ­ლის, დადი­ა­ნი­სა და წი­ნამ­ძღვრიშ­ვი­ლის ქუ­ჩებ­ზე მდე­ბა­რე ობი­ექ­ტებ­ში ფარ­თებს გარ­კვე­უ­ლი თან­ხის სა­ნაც­ვლოდ გა­დას­ცემ­დნენ. 

დალუქული მასაჟის სალონებიდან ერთ-ერთი ფართის მეპატრონე პოლიციელია. "პირველებმა" გაარკვია, რომ აღმაშენებლის გამზირზე მოქალაქეები სამი წლის განმავლობაში სთხოვდნენ შინაგან საქმეთა სამინისტროს დანაშაული აღეკვეთა და პროსტიტუციისთვის გადაცემული ფართი დაეხურა, თუმცა უშედეგოდ. ირკვევა რომ გოგა ლომიძე ხელშეუხებლობის გარანტიით სარგებლობდა და ახლაც ხელშეუხებელია. 

დეტალები ნახეთ სოფო ნიაურის რეპორტაჟში