დედა, რომლის 2 წლამდე შვილიც ბებიამ Tiktok-ის ლაივში სცემა, გირაოს ფულს აგროვებს
ქუთაისში ნაცემი 2 წლის ბავშვის დედა სოციალურ ქსელში გავრცელებულ კადრებზე პირველ კომენტარს აკეთებს.
ქალი, რომლის დედაც ბავშვზე ძალადობის ბრალდებით დააკავეს, TikTok-ის ლაივში გავიდა და დედისთვის გირაოს თანხის შეგროვება დაიწყო.
დაკავებულის შვილი ვიდეო მიმართვის დასაწყისში ამბობდა, რომ გირაოს თანხა, 3000 ლარი სჭირდებოდა. მოგვიანებით კი თქვა, რომ გირაოს თანხა აღარ სჭირდება და ამჯერად ადვოკატის ფულის შეგროვებითაა დაკავებული.
ნაცემი ბავშვის დედა ამბობს, რომ დედამისი უდანაშაულოა:
"არ უცემია ჩემი შვილი, თუ საჭიროა, უნდა გაუბრაზდე აბა რა?! რა იყო ამ კადრებში ასეთი?!... არ არის ვიდეო რეალური და მაგას დავამტკიცებ.
გირაოს თანხა მჭირდება, ჩალიჩობენ, გირაოთი გამოშვებაზე... 3000 მჭირდება დაახლოებით"
ქალის მონაყოლით ირკვევა, რომ მცირეწლოვანი მასთან იმყოფება. დგინდება ისიც, რომ პოლიციას ეს უკანასკნელი ამ ეპაპზე არ გამოუკითხავს: "სარამოს გამომკითხავენ"- ამბობს ქალი.
"ცემის ფაქტს ვერ მედავებიან, იმაზე მედავებიან, ნინომ რომ თქვა ვიდეოში - მე დავარტყიო", - ამბობს დაკავებულის შვილი.
რამდენიმე სააათის წინ, ქუთაისში დააკავეს ბებია, რომელმაც ორ წლამდე ბავშვი TikTok-ის ლაივში სცემა. გავრცელებული კადრების მიხედვით, ქალი შვილიშვილს ფიზიკურად მას შემდეგ გაუსწორდა, რაც ბავშვმა საჭმლით სავსე თეფშს ხელი ჰკრა.
გამოძიება სისხლის სამართლის კოდექსის 126-ე მუხლით მიმდინარეობს.
პოლიციამ დაკითხვაზე დაიბარა ის მოქალაქე, რომელმაც ძალადობის ამსახველი ვიდეო ჩამოტვირთა და საკუთარ გვერდზე გამოაქვეყნა.
