საჭიროების შემთხვევაში სააკაშვილს ციხის მე-18-ე სამკურნალო დაწესებულებაში გადაიყვანენ
ხელისუფლების შეცვლილი პირობა - სამოქალაქო კლინიკის ნაცვლად, მესამე პრეზიდენტს გლდანის ციხის საავადმყოფოში გადაიყვანენ.
ინფორმაცია ამის შესახებ იუსტიციის მინისტრმა გააჟღერა.
"როდესაც დადგება საჭიროება, მიხეილ სააკაშვილის ჰოსპიტალიზაცია სპეციალური პენიტენციური სამსახურის მე-18-ე სამკურნალო დაწესებულებაში მოხდება“ - თქვა იუსტიციის მინისტრმა.
რატი ბრეგაძემ "რუსთავი 2"-თან განაცხადა, რომ სპეციალური პენიტენციური სამსახურის მე-18-ე სამკურნალო დაწესებულება ფუნქციონირებს, არ არის გაუქმებული და რაც შეეხება მოშიმშილე პაციენტის მართვას, აღნიშნულ დაწესებულებას ასეთი პაციენტის ჯანმრთელობის მდგომარეობის მართვა შეუძლია.