21 ნოემბერს დაავებულ სამივე აქტივისტს ჯარიმის გადახდა დაეკისრათ. გადაწყვეტილება მოსამართლე კობა ჩაგუნავამ ცოტა ხნის წინ გამოაცხადა.

ცნობილი ხდება, რომ მურმან შელიას და ირაკლი ფიფიას 2000-2000 ლარიანი ჯარიმები დაეკისრათ, ხოლო თამარ გიორგაძეს - 3500.

ადვოკატები ამბობენ, რომ ადამიანები, რომლებიც ბრალდების მხარემ სხდომაზე მოწმის სტატუსით მიიყვანა, უფრო დაცვის მხარის პოზიციას ასახავდა.

სასამართლო პროცესზე წარმოდგენილი მტკიცებულებები, ფაქტობრივად, იყო დაცვის მხარის მტკიცებულებები გამომდინარე იქიდან, რომ შსს-მ წარმოადგინა ვიდეოკადრები, როგორ ესხმიან თავს პოლიციელები თავს სამივე დაკავებულს. პოლიციელები არაერთგვაროვან ჩვენებას აძლევდნენ, მაგალითად, ერთი ამბობდა, რომ თითქოს 15 მეტრიდან ყვიროდა, რომ გზაზე არ უნდა გადასულიყვნენ, მეორე ამბობდა, რომ 5 მეტრში იდგა. ამის მიუხედავად, სასამართლომ ადმინისტრაციულ სამართალდამრღვევად სცნო სამივე, მაგრამ საბედნიეროდ, არ გამოიყენა პატიმრობა და შემოიფარგლა ჯარიმით, - ამბობს ინტერესების დამცველი. 

აქციის სამივე მონაწილეს წვრილმან ხულიგნობას და საზოგადოებრივი თავშეყრის ადგილას გინებას ედავებოდნენ.