ბაია მარგიშვილი სასამართლოს ეზოში დააკავეს - სამოქალაქო აქტივისტს ხელბორკილები სამართალდამცველებმა მას შემდეგ დაადეს, რაც მოსამართლე თორნიკე კაპანაძემ მარგიშვილს 5 დღიანი პატიმრობა შეუფარდა. 

"ბრძოლა ბოლომდე, ყველანი 28 ნოემბერს გარეთ უნდა ვიყოთ, მათ ჩვენი ეშინიათ" - თქვა სამოქალაქო აქტივისტმა. 

ბაია მარგიშვილი, რომელსაც შსს 3 ნოემბერს რუსთაველის გამზირის გადაკეტვას ედავებოდა, დღეს საქალაქო სასამართლოში ხელბარგით იყო მისული. ის დაკავებას ელოდებოდა. 

იგივე საქმეზე 5 დღიანი პატიმრობა აქვს მისჯილი  ბაია მარგიშვილის დედასაც, თუმცა ის ჯერ დაკავებული არ არის. 

ცნობისთვის, ეს ბაია მარგიშვილის მეორე პატიმრობაა. 7 ნოემბერს ის მოსამართლე ზვიად ცეკვავამ 14 დღიან პატიმრობაში გაუშვა. სამოქალაქო აქტივისტმა იზოლატორი 5 დღის წინ დატოვა.