იურისტი მიხეილ ზაქარეიშვილი შინაგან საქმეთა სამინისტროს საპატრულო დეპარტამენტს ახალ განცხადებას უგზავნის და წერს, რომ 31 დეკემბერს გასამართ შეკრება/მანიფესტაციის მოთხოვნებს კიდევ ერთი მოთხოვნა ემატება - "ნუ მისდევს ახალი წელი მიხეილ ყაველაშვილს". 

სათაური: კორექტირება უკვე დარეგისტრირებულ განცხადებაში

შინაარსი: ჩემი 2025 წლის 19 დეკემბერს შემოტანილ განცხადებაში (ID:CA00412518726339 regN: 4239450) მსურს კორექტირების შეტანა. 2025 წლის 31 დეკემბერს გასამართ შეკრება/მანიფესტაციის მოთხოვნებს ვამატებთ ერთ მოთხოვნას: ნუ მისდევს ახალი წელი მიხეილ ყაველაშვილს! ან დაეწიოს, ან თავი დაანებოს!" - წერს იურისტი განცხადებაში. 

ცნობისთვის, აღნიშნული განცხადება, გუშინ "ქართული ოცნების" პრეზიდენტის, მიხეილ ყაველაშვილის გაკეთებულ კომენტარს უკავშირდება, რომელმაც თქვა, რომ "ახალი წელი მოდის და ეს ისეთი თარიღია, ჩვენთვის ტრადიციული მითუმეტეს, ბავშვობიდან მოგვდევს".