ნარკოტიკებით ვაჭრობის წინააღმდეგ ბრძოლა ტერიტორიული მთლიანობისა და სუვერენიტეტის სრული პატივისცემით უნდა მოხდეს -  ამის შესახებ ევროკავშირის განცხადებაშია ნათქვამი.

• განცხადებას მხარს უჭერს ევროკავშირის 26 წევრი სახელმწიფო - ყველა, უნგრეთის გარდა.

განცხადების ავტორები ყველა აქტორს სიმშვიდისა და თავშეკავებისკენ მოუწოდებენ, "რათა თავიდან აიცილონ ესკალაცია და უზრუნველყონ კრიზისის მშვიდობიანი გადაწყვეტა".

ვენესუელელი ხალხის უფლება, განსაზღვროს საკუთარი მომავალი, დაცული უნდა იყოს", - აღნიშნულია განცხადებაში.

„ევროკავშირი იხსენებს, რომ ნებისმიერ ვითარებაში უნდა იყოს დაცული საერთაშორისო სამართლის პრინციპები და გაეროს ქარტია. გაეროს უშიშროების საბჭოს წევრებს, როგორც საერთაშორისო უსაფრთხოების არქიტექტურის საყრდენს, განსაკუთრებული პასუხისმგებლობა აკისრიათ ამ პრინციპების დაცვაზე“, - წერია განცხადებაში.

ამასთან, ევროკავშირი ხაზს უსვამს, რომ ნიკოლას მადურო დემოკრატიულად არჩეული პრეზიდენტის ლეგიტიმაცია არ აქვს.

„ევროკავშირმა არაერთხელ განაცხადა, რომ ნიკოლას მადურო არ სარგებლობს დემოკრატიულად არჩეული პრეზიდენტის ლეგიტიმაციით და რომ ბლოკი მხარს უჭერს ქვეყანაში დემოკრატიაზე მშვიდობიან გადასვლას ვენესუელას ხელმძღვანელობით, მისი სუვერენიტეტის პატივისცემით. ვენესუელელი ხალხის უფლება, განსაზღვროს საკუთარი მომავალი, დაცული უნდა იყოს“, - აღნიშნულია განცხადებაში და აღნიშნულია, რომ ბლოკი იზიარებს ტრანსნაციონალური ორგანიზებული დანაშაულისა და ნარკოტიკებით ვაჭრობის წინააღმდეგ ბრძოლის პრიორიტეტს, რაც მნიშვნელოვან საფრთხეს წარმოადგენს მსოფლიო უსაფრთხოებისთვის.

ამავდროულად, ევროკავშირი ხაზს უსვამს, რომ ეს გამოწვევები უნდა გადაიჭრას მდგრადი თანამშრომლობით, საერთაშორისო სამართლისა და ტერიტორიული მთლიანობისა და სუვერენიტეტის პრინციპების სრული დაცვით.

„ჩვენ მჭიდრო კონტაქტში ვართ შეერთებულ შტატებთან, ასევე რეგიონულ და საერთაშორისო პარტნიორებთან, რათა მხარი დავუჭიროთ და ხელი შევუწყოთ დიალოგს ყველა ჩართულ მხარესთან, რაც გამოიწვევს კრიზისის მოლაპარაკებით, დემოკრატიულ, ინკლუზიურ და მშვიდობიან გადაწყვეტას, რომელსაც ვენესუელელები ხელმძღვანელობენ“, - აღნიშნულია განცხადებაში.