არჩევნების დღეს სამეგრელოში  დაკავებული "ნაციონალური მოძრაობის" მხარდამჭერებს  ზუგდიდის სასამართლომ ადმინისტრაციული პატიმრობა შეუფარდა.

ზუგდიდის მეოცე საარჩევნო უბანთან დაკავებულ გიორგი მუმლაძეს 10 დღიანი, ნიკოლოზ ნარსიას და ალბერტ მერაბაშვილს 8-8 დღით პატიმრობა შეეფარდათ. მანამდე სასამართლომ კახა კვეკვესკირს 5 დღით პატიმრობა შეუფარდა.

ისინი არჩევნების დღეს უბანზე დამკვირვებლის სტატუსით იმყოფებოდნენ, რა დროსაც წვრილმანი ხულიგნობის (166-ე მუხლი) და პოლიციის კანონიერი განკარგულებისადმი დაუმორჩილებლობის (173-ე მუხლი) ბრალდებით დააკავეს.

დაკავებულები ზუგდიდის სასამართლოს გადაწყვეტილებას პოლიტიკურს უწოდებენ.