ახალციხეში, სოფელ აწყურთან მომხდარ ავარიას ორი ადამიანი ემსხვერპლა. ამის შესახებ ინფორმაციას "ინტერპრესნიუსი" ავრცელებს. 

გამოცემის ცნობით, ავტოსაგზაო შემთხვევის შედეგად დაშავდა კიდევ ორი ადამიანი. 

მომხდარზე შინაგან საქმეთა სამინისტრომ გამოძიება 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.