დააკავეს კაცი, რომელმაც დიღმის მასივში, სკვერში არასრულწლოვანი გოგონას მიმართ გარყვნილი ქმედება განახორციელა
დააკავეს კაცი, რომელმაც გამოძიების ინფორმაციით, არასრულწლოვანი გოგონას მიმართ გარყვნილი ქმედება განახორციელა - ამის შესახებ ინფორმაციას შსს ავცრელებს.
უწყების ცნობით, ფაქტი დიღმის მასივში, ერთ-ერთ სკვერში მოხდა.
შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, არასრულწლოვნის მიმართ ჩადენილი გარყვნილი ქმედების ბრალდებით ერთი პირი დააკავეს.
გამოძიებით დადგინდა, რომ თბილისში, დიღმის მასივის ერთ-ერთ სკვერში, ბრალდებულმა არასრულწლოვანი გოგონას მიმართ გარყვნილი ქმედება განახორციელა.
ჩატარებული ოპერატიული ღონისძიებებისა და საგამოძიებო მოქმედებების შედეგად პოლიციამ დანაშაულის ჩამდენი პირი ბრალდებულის სახით დააკავა.
გამოძიება სისხლის სამართლის კოდექსის 141-ე მუხლის მეორე ნაწილით მიმდინარეობს, რაც 12 წლამდე თავისუფლების აღკვეთას ითვალისწინებს", - წერია შსს-ს განცხადებაში.
