მუქარა შარჟის გამო - ბექა ოდიშარიას შვილის სახელით უკრაინაში მებრძოლ ქართველს, გიორგი ფარცვანიას, სიცოცხლის მოსპობით ემუქრებიან. 

ქართველი მეომარი ყვება, რომ შეტყობინებები სოციალურ ქსელში მიიღო. 

მიზეზი, სავარაუდოდ, ბოლო დღეებში განვითარებული მოვლენებია - უკრაინაში მებრძოლი ქართველი სამხედრო "ქართული ოცნების" წევრებს ურეკავენ, მხარდამჭერებად ეცნობიან და ქვეყანაში მიმდინარე პროცესების გამო პასუხებს სთხოვენ.  ფარცვანიამ ასე ბექა ოდიშარიასაც დაურეკა. 

ამ დილას [ბექა] ოდიშარიას შვილი მწერს გინებებით. 4 წელი და 3 თვეა რუსები მემუქრებიან მოგკლავთო და რავიცი რაებს არ მემუქრებიან, თან რუსეთში 28 წელი მომისაჯეს და ჯარიმა დამაკისრეს 2 მილიონი რუბლი. ჩამოდი უკრაინაში. არ მინდა ვითომ ბლატაობა, ყველგან გიპოვნიო, სადაც არ უნდა იყოო - აგერ ვარ უკრაინაში, ჩამოდი. ან რომ დამბლოკე, არ გაინტერესებდა პასუხი? აბა გელოდები, ნომერი უცვლელია," - ამბობს ვიდეოში გიორგი ფარცვანია. 

"პირველები" ცდილობს ოდიშარიას კომენტარის მოპოვებას.