ვარდების რევოლუციის გმირი რომ გისოსებში წევს, ვერ ვიქნები კმაყოფილი - გიული ალასანია

22.11.21 13:32
ვარდების რევოლუციის გმირი რომ გისოსებში წევს, ვერ ვიქნები კმაყოფილი - გიული ალასანია

მიხეილ სააკაშვილის დედამ, გიული ალასანიამ, გორის ჰოსპიტალში შვილი მოინახულა. ალასანიას თქმით, მესამე პრეზიდენტის მდგომარეობა გაუმჯობესებულია. მესამე პრეზიდენტის დედა აღნიშნავს, რომ ვარდების რევოლუციის 18 წლის თავზე სააკაშვილის  ფანჯარას გისოსები აქვს, რაც მისთვის დამთრგუნველია. 

მდგომარეობა ბევრად უკეთესია, მაგრამ არის სუსტად, უჭირს სიარული, კუნთების პრობლემა აქვს. რეაბილიტაციას დასჭირდება საკმაოდ დრო, ექიმები და პერსონალი ძალიან მომეწონა და კმაყოფილი ვარ. საერთოდ არ ვარ კმაყოფილი იმით, რომ "ვარდების რევოლუციის"  გმირი რომ გისოსების უკან წევს და ფანჯარას აქვს გისოსები, არ მომწონს, ვერ ვიქნები კმაყოფილი. სარკმელზე არის გისოსები, რაც, რა თქმა უნდა, დამთრგუნველია", - ამბობს გიული ალასანია.