კახეთში რუსმა ქალებმა ქორწილის სუფრას ნომრის ფანჯრიდან წყალი გადაასხეს, რასაც მხარეებს შორის დაპირისპირება მოჰყვა. ამის შესახებ ბორის ჩელე ყურუა სოციალურ ქსელში წერს.

ყურიას თქმით, ნომერში რუსებს გაბრაზებული ქართველი კაცი აუვარდა და ერთ-ერთს ხელი დაარტყა. პოლიტიკოსი აღნიშნავს, რომ ვინმეზე ფიზიკური ძალადობა დაუშვებელია, თუმცა მისივე თქმით, რუსმა ქალებმა მომხდარის შესახებ სოციალურ ქსელში პოსტი გამოაქვეყნეს და დახმარება კახა კალაძეს სთხოვეს.

მაინტერესებს, რას იზამს, - წერს ყურუა სოციალურ ქსელში. 

კახეთში, რუსმა ქალებმა ქართველების ქორწილის სუფრას ნომრის ფანჯრიდან წყალი გადაასხეს, ხმაურობენო. ავარდა ერთი ბიჭი, სავარაუდოდ მთვრალი, დაარტყა რუს ქალს ეს ქალები ამბობენ ახლა რუსულად ლაპარაკის გამო იძალადაო და ვიდეოს კომენტარებში რუსები თაგავენ კახა კალაძეს გვიშველეო არ ვამართლებ იმ ბიჭს, არ შეიძლება ქალის ცემა, რაც არ უნდა დააშავოს. უბრალოდ კახა მაინტერესებს რას იზამს," - წერს ბორის ჩელე ყურუა სოციალურ ქსელში.

არსებული ინფორმაციით, რუსი ქალები ამტკიცებენ, რომ ფიზიკური დაპირისპირება იმ ფაქტს მოჰყვა, რომ ისინი რუსულად მოსაუბრეები იყვნენ, რამაც ქართველები გააღიზიანა. 

„ეს გენოციდი უკვე მომბეზრდა. რატომ აქვს ვინმეს უფლება, სხვა ადამიანი საკუთარი ენის გამო აწამოს? “- წერს ინციდენტის მონაწილე ქალი.

ამავე ქალის ცნობით, ინციდენტთან დაკავშირებით პოლიციას ჩვენებები უკვე მისცეს. 

აღ­ნიშ­ნულს ეხ­მი­ა­ნე­ბა ვი­დე­ო­ში ასა­ხუ­ლი მა­მა­კა­ცის ძმაც. მისი თქმით, ქა­ლებ­მა ქორ­წი­ლის სტუმ­რებს, მათ სუფ­რას და აპა­რა­ტუ­რას ორ­ჯერ, გან­გებ გა­და­ასხეს წყა­ლი.

ეს ჩემი ძმაა. რა თქმა უნდა ძა­ლა­დო­ბას არ ვა­მარ­თლებ, თუმ­ცა სი­მარ­თლე უნდა ით­ქვას, რაც მოხ­და. ჩემი მე­ო­რე ძმის ქორ­წილ­ში აი ეს გო­გო­ე­ბი ხმა­უ­რის გამო ორ­ჯერ გვას­ხამ­დნენ წყალს (აპა­რა­ტუ­რის და­ზი­ა­ნე­ბის მიზ­ნით და და­ზი­ან­და კი­დეც). გვა­ფურ­თხებ­დნენ და გვა­გი­ნებ­დნენ და ამას­თან, ვი­დე­ოს გვი­ღებ­დნენ, რომ მათ საქ­ცი­ელ­ზე რა­ი­მე ქმე­დე­ბის და­ფიქ­სი­რე­ბა შეძ­ლონ ჩვე­ნი მხრი­დან,“ - წერს კახა ჭიღ­ლა­ძე.