"თავისუფლების ხმა ციხიდან" - პატიმრების მშობლები ქობულეთში ჩავიდნენ და გაზეთები დაარიგეს
"თავისუფლების ხმა ციხიდან" - ამ სახელწოდებით გაზეთები დღეს პროევროპულ აქციაზე დაკავებულების მშობლებმა ქობულეთში დაარიგეს. ეს პატიმრების ოჯახის წევრების რიგით 42-ე გასვლაა რეგიონებში.
მშობლები შეხვდნენ ადგილობრივებსაც და მათი ოჯახის წევრების უკანონო პატიმრობის ამბები უამბეს. მშობლები დღეს ურეკში ჩასვლასაც გეგმავენ.
"ეს არის ჩვენი 42-ე გასვლა. რომ მოვიაროთ ყველა რეგიონი და მივაწვდინოთ პატიმრების "თავისუფლების ხმა" ხალხს. ყველამ უნდა გაიგოს ჩვენი პატიმრების და ქვეყნის სიდუხჭირის შესახებ. არ გავჩერდებით, კიდევ ბევრს ვივლით, რომ თავისუფლება მოვიპოვოთ", - აცხადებს გიორგი მინდაძის დედა ნანი წულაია.
