ჟურნალისტი ნინია კაკაბაძე ფიქრობს, რომ თუ ვახო სანაის საჯაროდ გამოთქმული აზრის გამო იჭერენ, მაშინ ახლა ყველას უნდა ჰქონდეს მოლოდინი, რომ მათაც დაიჭერენ. 

ალბათ, მეც მომაკითხავენ, დანარჩენებსაც მიაკითხავენ, ყველას ციხეში ჩაგვსვამენ - აცხადებს ნინია კაკაბაძე. 

სასამართლომ დაადასტურა, რომ ეტყობა არიან ესენი ***** და ამიტომ, როგორც დამნაშავე, დააკავეს ვახო სანაია. აი ყველაფერი იმისთვის, რომ შალვა პაპუაშვილმა თქვას, რომ მე არ ვარ ****. და ამით ერთადერთი რასაც ამტკიცებს, არის საპირისპირო. კი ბატონო, მივედით აქამდეც, რომ ახლა ალბათ ყველას დაგვიჭერენ - მეც მომაკითხავენ, დანარჩენებსაც მიაკითხავენ, ყველას ციხეში ჩაგვსვამენ", - ამბობს ნინია კაკაბაძე. 

შეგახსენებთ, თბილისის საქალაქო სასამართლომ პარლამენტის თავმჯდომარის, შალვა პაპუაშვილისა და დეპუტატ ვლადიმერ ბოჟაძის შესახებ სოციალურ ქსელში დაწერილი პოსტის გამო ჟურნალისტ ვახო სანაიას 14-დღიანი ადმინისტრაციული პატიმრობა შეუფარდა.