გუ­რამ და­დი­ა­ნი­ძის გა­უ­ჩი­ნა­რე­ბის საქ­მე - გუშინ გვიან ღამით შსს-მ მლეთაში, იმ ტე­რი­ტო­რი­ის ხე­ლა­ხა­ლი შე­მოწ­მე­ბა და­ი­წყო, სა­ი­და­ნაც 2014 წელს და­კარ­გუ­ლი ბიჭის კვა­ლი გაქ­რა.

საგამოძიებო მოქმედებების ადგილას იმყოფებოდა გურამ დადიანიძის დედა სოფო ბი­ბი­ლაშ­ვილიც.

• სამ­ძებ­რო ღო­ნის­ძი­ე­ბა­ში ჩა­ერ­თო ში­ნა­გან საქ­მე­თა სა­მი­ნის­ტროს 50-მდე თა­ნამ­შრო­მე­ლი, რომ­ლე­ბიც ად­გილ­ზე შე­სა­ბა­მი­სი ტექ­ნი­კუ­რი აღ­ჭურ­ვი­ლო­ბი­თა და სპე­ცი­ა­ლუ­რი სა­შუ­ა­ლე­ბე­ბით ჩა­ვიდ­ნენ.

"მე­გობ­რე­ბო, ყვე­ლა ად­გილ­ზე გა­და­ტარ­დე­ბა სკა­ნე­რი. ასე, რომ იქამ­დე გაგ­რძელ­დე­ბა ძებ­ნა, სა­ნამ ეს ად­გი­ლი არ დათ­ვა­ლი­ერ­დე­ბა და ამ ხნის მან­ძილ­ზე მე აქ ვარ. მად­ლო­ბა ყვე­ლას" - დაწერა სოფო ბი­ბი­ლაშ­ვი­ლმა სოციალურ ქსელში. 

გვიან ღამით დაკარგული ბიჭის ოჯახის უფლებადამცველმა, ტარიელ კაკაბაძემ სოციალურ ქსელში დაწერა, რომ შსს-ს თანამშრომლები სამუშაოებს დღეს დილით 08:00 საათიდან გააგრძელებდნენ. 

ცნობისთვის, გუშინ შსს-მ გაავრცელა განცხადება, რომ კიდევ ერთხელ შეამოწმებს ტერიტორიას, საიდანაც მოწმეთა ჩვენებების მიხედვით, 2014 წელს გურამ დადიანიძის კვალი გაქრა.

უწყების განცხადებით, ბოლო ერთი თვის განმავლობაში 20-ზე მეტი ადამიანი გამოიკითხა.

შსს-ს განცხადებით, საქმეში რაიმე საეჭვო გარემოება გამოვლენილი ვერ იქნა, ასევე, არ გამოვლენილა გარემოება, რომელიც დაადასტურებდა დადიანიძესთან წარსულში არსებულ შურისძიების მოტივს.