2026 წლის ივლისში, თბილისში სულ 4 475 ბინა გაიყიდა, რაც წინა წლის ივლისთან შედარებით (3,684 ბინა) 21.4%-იანი ზრდაა. ამის შესახებ ინფორმაციას BMG-ი Galt & Taggart-ის თბილისის საცხოვრებელი უძრავი ქონების უახლეს პუბლიკაციაზე დაყრდნობით ავრცელებს. 

კვლევის მიხედვით, მოთხოვნა თანაბრად მაღალია როგორც პირველად, ისე მეორად ბაზარზე:

• მეორად ბაზარზე 2 294 ბინა (ზრდა +18.8% წ/წ) გაიყიდა, რაც 2022 წლის შემდეგ დაფიქსირებული ყველაზე მაღალი თვიური მაჩვენებელია.
• პირველადი ბაზარიზე კი 2 181 ბინა გაიყიდა (ზრდა +24.4% წ/წ).

ამასთან, 2026 წლის პირველ 7 თვეში თბილისში სულ 27 274 ტრანზაქცია გაფორმდა, ბაზრის მთლიანმა ღირებულებამ კი 2.5 მილიარდი აშშ დოლარი შეადგინა, რაც წლიურად 27.3%-იანი ზრდაა.

BMG-ი წერს, რომ საინვესტიციო ბანკის კვლევის მიხედვით, თბილისში საცხოვრებელი ქონების საშუალო ფასი კვადრატულ მეტრზე 1 426 დოლარს შეადგენს (პირველად ბაზარზე). ხოლო ფასების ლიდერი ტრადიციულად ვაკეა.

პირველადი ბაზრის ფასები (თეთრი კარკასი, $/კვ.მ):

• ვაკე: $3,180
• მთაწმინდა: $2,945
• ჩუღურეთი: $2,323
• საბურთალო: $1,732
• კრწანისი: $1,671
• დიდუბე: $1,425
• ისანი: $1,407
• ნაძალადევი: $1,294
• სამგორი: $1,178
• დიდი დიღომი: $1,148
• გლდანი: $1,146
• ვაშლიჯვარი: $1,094

2026 წლის ივლისში გაყიდული ბინების რაოდენობით დიდი დიღომი კვლავ პირველ ადგილზეა:

• დიდი დიღომი: 942 ბინა
• საბურთალო: 772 ბინა
• სამგორი: 721 ბინა
• გლდანი: 442 ბინა
• ისანი: 414 ბინა

ყველაზე მინიმალური აქტივობა ვაშლიჯვარსა (45 ბინა) და მთაწმინდაზე (56 ბინა) დაფიქსირდა.