მისაქციელის საჯარო სკოლაში სასწავლო პროცესი შეწყდა - სკოლის დირექტორი სასწავლო პროცესის შეწყვეტის გადაწყვეტილებას განათლების სამინისტროს აკისრებს.

როგორც მშობლებს განუმარტეს, სასწავლო პროცესის შეწყვეტისამიზეზად სკოლის ავარიული მდგომარეობა დაუსახელეს.

სკოლის ავარიული მდგომარეობის შესახებ დასკვნა არ უნახავთ არც სკოლის დირექტორს და არც ადგილობრივებს. სკოლის მოსწავლეების მშობლები დღეს სასწავლო დაწესებულებაში მოვიდნენ და შენობის ავარიულობის დამადასტურებელი დასკვნის გადაცემა მოითხოვეს. 

ეხლა არის დაკეტილი, იმიტომ რომ ეს არის მინისტრის გადაწყვეტილება, მარტო ჩვენ სკოლაში არა, ზოგადად. " - თქვა სკოლის დირექტორმა, ნინო ჩეკურიშვილმა მშობლების კითხვების საპასუხოდ.

ადგილობრივები ეჭვობენ, რომ სკოლის დანგრევა კერძო პირის ინტერესში შედის. 

მინისტრის გადაწყვეტილებით, რომელიც ნამდვილად არ შეესაბამება სიმართლეს დაგვიკეტეს კარები. ახალი დაწყებული სკოლაა, ახალი გაკეთებული სკოლაა. არაფერი ამას სარემონტო არა აქვს. - ადგილობრივი მოსახლე.

მისაქციელის საჯარო სკოლის დახურვის შესახებ ინფორმაცია 17 სექტემბერს გახდა ცნობილი. იგივე მოხდა აქ არსებული საბავშვო ბაღის შემთხვევაშიც.