ვატო შაქარიშვილი გიორგი გახარიას წინააღმდეგ ჩვენების მისაცემად ემზადება - "ნეიტრალური საქართველოს" ლიდერი, რომელის ჩვენებაც დევს ჩორჩანას საქმეში, ირწმუნება, რომ გახარია, რომელიც 2019 წელს შსს მინისტრი იყო  ამერიკელი სპეცსამსახურების დავალებით, მარტო მოქმედებდა.

მისი თქმით, როდესაც გახარია შს მინისტრი იყო და ჩორჩანაში საგუშაგო ჩაიდგა, თავად თბილისის საკრებულოს დამოუკიდებელი წევრი იყო.

გახარია მოქმედებდა ამერიკული სპეცსამსახურების დავალებით. კი, მარტო მოქმედებდა. პროკურატურა იმას ედავება, რომ მან იმოქმედა შეუთანხმებლად, არ შეასრულა ვალდებულება, ის არის უპასუხისმგებლო ადამიანი, უპასუხისმგებლობასთან ერთად ის ემსახურებოდა უცხო ქვეყნების ინტერესებს, ასრულებდა დავალებას და რა თქმა უნდა, ის დავალების შესრულებაში, დანაშაულში მოქმედებდა მარტო

ფაქტი ის არის, რომ გახარიას ეს გადაწყვეტილება არ არის შემთხვევითი და უბრალო უგუნური გადაცდომა, ეს არის განზრახ მოქმედება იმისთვის, რომ დაზიანებულიყო ჩვენი ქვეყნის ეროვნული ინტერესები და ეს არის შედეგი

მოწმედ გამოძახებულ შაქარივილს "პირველების" ჟურნალისტმა ჰკითხვა: “ვინ დაავალა გახარიას წინააღმდეგ ჩვენების მიცემა?”

“ეს საქმე არის გამოყოფილი იმ დიდი საქმიდან, რომელიც არის აღძრული ჩვენი განცხადების საფუძველზე და რომელიც ემსახურება მტრულ საქმიანობაში და საბოტაჟში მონაწილეობას და რომელსაც ახორციელებდა საქართველოში მოქმედი აგენტურული ქსელი, მათ შორის რომელთა წარმომადგენლებიც, სამწუხაროდ, იყვნენ სახელისუფლებო რგოლებში. ერთ-ერთი მათგანი, გამორჩეული არის გიორგი გახარია და ამას ადასტურებს ის, თუ სად იმყოფება დღეს გიორგი გახარია”, - აღნიშნა შაქარაშვილმა და იქვე დასძინა, რომ “გახარია დღეს, სტიპენდიაზეა საქართველოს ფარგლებს გარეთ.

იმაზე მნიშვნელოვანი ინფორმაცია, ვიდრე ახლა მე მივაწვდი სასამართლოს, ეს გააჟღერა საგამოძიებო კომისიაზე მან თავადვე, სადაც მან აღიარა, რომ ჩაიდინა დანაშაული", - განაცხადა შაქარიშვილმა.

თბილისის საქალაქო სასამართლოში "ჩორჩანას საქმეზე" სხდომა დახურულ რეჟიმში მიმდინარეობს - "პირველების" ინფორმაციით, ამ წუთებში სხდომაზე სუს-ის ანალიტიკური დეპარტამენტის დირექტორის მოადგილე ირაკლი ანთაძე, იკითხება.

 ის მრავალი წელია, იმ ერგნეთის შეხვედრების მთავარი მონაწილეა, სადაც უკანონო ბორდერიზაციის საკითხი განიხილება. მასვე აქვს ინფორმაცია ჩორჩანა საგუშაგოს ჩადგმის შესახებაც, ამიტომაც საინტერსოა, თუ რას იტყვის ის და მისცემს თუ არა ჩვენებას გიორგი გახარიას წინააღმდეგ.

• საქმეზე ბრალდებულია ყოფილი შინაგან საქმეთა მინისტრი და ყოფილი პრემიერ-მინისტრი გიორგი გახარია. პროკურატურის ვერსიით, მან სოფელ ჩორჩანასთან დამატებითი საპოლიციო საგუშაგოს განთავსების გადაწყვეტილება ერთპიროვნულად მიიღო. გახარიას ბრალი სისხლის სამართლის კოდექსის 25, 117-ე მუხლის მე-3 ნაწილის „მ“ ქვეპუნქტითა და 333-ე მუხლის მე-2 ნაწილით აქვს წარდგენილი.