სანზონაში, ლიფტის ჩამოწყვეტის შედეგად დაშავებული 6 პირიდან ნაწილი სახლში გაწერეს - მათ მრავლობითი დაჟეჟილობები და მოტეხილობა აღენიშნებათ. სასწრაფო დახმარების ბრიგადამ სიკვდილს გადარჩენილები ორ კლინიკაში გადაანაწილა. 

დაშავებული 3 მოზარდი პირველ საუნივერსიტეტო კლინიკაში გადაიყვანეს. როგორც კლინიკურმა დირექტორმა "პირველებს" განუცხადა, პაციენტებს სერიოზული დაზიანება არ აღენიშნებოდათ:

ყველანი გაწერილია, არცერთთან არ იყო სერიოზული დაზიანება, სამი პაციენტი იყო და სამივე გაწერილია.

არა, არ ჰქონდათ [მოტეხილობები], არაფერი დაზიანება არ ჰქონდათ, სერიოზული არაფერი არ იყო, პატარ-პატარა დაბეჟილობები და წავიდნენ ბინაზე" - უთხრა "პირველებს" ლალი ტურძელაძემ.

ირკვევა, რომ დაშავებულთა შორის მოზარდებიც არიან. ლიფტი კი მეათე სართულზე მოწყდა და პირველ სართულზე გაჩერდა. 

როგორც "პირველებმა" ადგილზე გაარკვია დაშავებულები დაბადების დღის წვეულებიდან ბრუნდებოდნენ.