24 ოქტომბრის დილით, სამარის ოლქის ქალაქ ტოლიატის ქიმიურ ქარხანაზე დრონით თავდასხმის შესახებ ინფორმაცია გავრცელდა. დარტყმის შემდეგ ქარხანაში მასშტაბური ხანძარი გაჩნდა და ადგილობრივმა მაცხოვრებლებმა ქალაქის თავზე დრონების ფრენა დააფიქსირეს. ამის შესახებ Telegram-ის არხმა Exilenova+-მა გაავრცელა ინფორმაცია.

სამარის რეგიონში თავდასხმის შესახებ პირველი ინფორმაცია დილის 6:00 საათის შემდეგ გავრცელდა. ადგილობრივი მაცხოვრებლების თქმით, დარტყმა განხორციელდა "ტოლიატიკაუჩუკის" ქარხანაზე.

გავრცელებულ კადრებში ჩანს ქარხნიდან ამომავალი კვამლი. შემდგომში, ინტერნეტში გავრცელდა ინფორმაცია ქარხნის ტერიტორიაზე მასშტაბური ხანძრის შესახებ. 

თავდასხმა განხორციელდა ქალაქ ორიოლის „პროტონ-ელექტროტექსის“ქარხანაზე, რომელიც ფრთოსანი და ბალისტიკური რაკეტებისთვის კომპონენტებს აწარმოებს.

ასევე, უკრაინის თავდაცვის ძალებმა იერიში მიიტანეს კრასნოდარის მხარეში მდებარე „ეისკის“ აეროდრომზე, რის შედეგადაც თვითმფრინავი დაზიანდა.

უკრაინის გენშტაბმა დარტყმების შესახებ ინფორმაცია დაადასტურა.