პატიმარ დავით ფეიქრიშვილის დედის, ნინო აბრამიშვილი გლდანის მე-8 პენიტენციური დაწესებულების დირექტორის მოხსნას და რამაზ ფირცხელავას წინააღმდეგ სისხლის სამართლის დევნის დაწყებას ითხოვს. 

განცხადება  ნინო აბრამიშვილმა პროკურატურაში გამოკითხვაზე მისვლამდე გააკეთა. 

მისი თქმით, გლდანის ციხეში მომხდარ ძალადობის ფაქტზე ის გამომძიებლებს მის ხელთ არსებულ ყველა ინფორმაციას მიაწვდის. გამოკითხავენ დავით ფექრიშვილის ცოლსაც, ანო ანანიაშვილი: 

ძალიან მიკვირს, რომ პირველ რიგში რამაზ ფირცხალავას საკითხი არ დადგა. ასეთი სკანდალური რამე მოხდა - პატიმარი წევს "ვივა-მედში" და რამაზ ფირცხალავა ჯერ კიდევ თავის ადგილზეა. ვინც დარეკა სუსიდან და უბრძანა, რომ ფექირიშვილები უნდა დაჭერილიყვნენ, ვინც გააგზავნა სპეცრაზმი დაჭერაზე, ყველა ეს ადამიანი ერთ ჯგუფში უნდა იყოს გასული. წამება და სადისტურად მქოცევა უბრალო რამე ხომ არ არის?! ყველა უნდა იყოს დასჯილი. უნდა დაიკითხონ და ტელეფონები უნდა წაართვან გიჩო მარგველაშვილს და ზაუტაშვილს. მე არ დავკმაყოფილდები მარტო ციხის უფროსის დაჭერით"- აცხადებს ნინო აბრამიშვილი. 

დაკავებული ტყუპების დედა ამბობს, რომ  გლდანის მე-8 ციხეში დავით ფეიქრიშვილის ცემის ერთ-ერთი ორგანიზატორია ასევე გიორგი პატარიძე, რომელმაც პოსტი მას შემდეგ დატოვა, რაც 26 ოქტომბერს, საქართველოს პროკურატურამ პენიტენციური სამსახურის ზემდგომ სამინისტროს, იუსტიციის სამინისტროს „რეკომენდაციით მიმართა“ შეეჩერებინა პატარიძისთვის უფლებამოსილება.

ამ საქმეში [დავით ფექრიშვილის ცემაში] ფიფურრებს ფირცხალავა, აუცილებლად ციხის უფროსი, ვატო ყიფიანი, ბილანიშვილი. მეორე ყიფიანი, გოცირიძე, გიჩო მარგველაშვილი, კაჭარავა, ზაუტაშვილი და მარგველაშვილი გიჩოს ბიძა"- თქვა ძმების დედამ. 

ცნობისთვის, დავით ფეიქრიშვილისოჯახისა და ადვოკატის განცხადებით, პატიმარზე გლდანის მე-8 პენიტენციურ დაწესებულებაში ავთანდილ ბილანიშვილმა, იგივე „კაწრომ“, ვატო ყიფიანმა, შოთა ყიფიანმა და კიდევ ორმა პირმა ფიზიკურად იძალადა. 

იუსტიციის მინისტრმა, პაატა სალიამ "პირველებს" უთხრა, რომ მსჯელობენ გლდანის მე-8 პენიტენციური დაწესებულების დირექტორის თანამდებობიდან მოხსნის თაობაზე, თუმცა „ჯერ გადაწყვეტილება მიღებული არ არის".