დიდი დიღმის მაცხოვრებლები ამბობენ, რომ ბოლო რამდენიმე დღეა უცხო ქვეყნის, სავარაუდოდ ჩინეთის მოქალაქეეები, ქუჩაში მყოფ მცირეწლოვან ბავშვებს ფოტოებს უღებენ.

მოქალაქეებმა ფაქტი არაერთი შემთხვევის შემდეგ დააფიქსირეს. ხალხი ამბობს, რომ საეჭვო ადამიანები, ძირითადად ქალები, პარკებსა და სტადიონების მიმდებარედ გადაადგილდებიან, სადაც თავს ბავშვები იყრიან. 

დიდი დიღმის მოსახლეობა საფრთხეებზე საუბრობს და დახმარებას ითხოვს - ირკვევა, რომ რამდენიმე მათგანმა უკვე პოლციიასაც კი  მიმართა.

"პირველების" ინფორმაციით, შსს-მ მომხდარზე უკვე დაიწყო ადმინისტრაციული წარმოება. ძალოვანი უწყების თანამშრომლები დაათვალიერებენ სამეთვალყურეო კამერებს და ამის შემდეგ დაიწყება გამოკითხვების სერია.

დადიან, უცხო ქალი დავინახეთ, ვიდეოს რომ გვიღებდა და რომ შევამჩნიეთ, რამოდენიმეს გავეკიდეთ, რომ ვკითხე, ქართულ არ დაილაპარაკა, არც ინგლისური იცოდა, მერე თრანსლეითით ვკითხე, რატომ იღებთ ვიდეოს-თქო და თქვა, უბრალოდ მომეწონა და გადავუღეო. მერე დავხედეთ და ვნახეთ, რომ სადრაც გზავნიდა. წავუშალეთ ფოტოები და დავრეკეთ პოლიციაში, ნომერი მივეცი. მანამდე დაფიქსირდა სხვა ჯგუფში იგივე მოქმედება, ოღონდ იქ სხვა ქალი იყო და იმაში პოლიცია ჩაერთო. იქაც იგივე სიტუაცია ყოფილა,. ყურადღებით და ფრთხილად იყვნენ ბავშვები, ზოგი მაინც მარტო დადის სკოლაში და ფეხბურთზე. ფბ-ზე რომ დავწერე, სხვებმაც დამიწერა, ზოგმა სტადიონზე შევამჩნიეთო ანალოგიურიო, ზოგმა პარკში შევამჩნიეთ ესა და ეს ქალები და ფოტოებს იღებდნენო", - აცხადებს  დიდი დიღმის მკვიდრი. 

შევამჩნიე რომ უცხოელი ჩინელი უღებდა ფოტოებს ბავშვებს და სტადიონს. ჩემი ბავშვი დადის აქ სტადიონზე და მაგიტომ ვიკითხე, მითხრეს, რომ ვიღაც ქალი დადის და ფოტოებს უღებს ბავშვებსო", - ამბობს მოქალაქე.