არადეკლარირებული თანხა - წითელ ხიდზე 21 მილიონ 680 ათასი რუსული რუბლი გადმოჰქონდათ

21.12.21 13:51
არადეკლარირებული თანხა -  წითელ ხიდზე 21 მილიონ 680  ათასი რუსული რუბლი გადმოჰქონდათ

შემოსავლების სამსახურის ინფორმაციით, წითელ ხიდზე დიდი ოდენობით არადეკლარირებული თანხა - 21 680 000 რუსული რუბლი აღმოაჩინეს. თანხა აზერბაიჯანის მოქალაქეს გადმოჰქონდა. 

"საბაჟო გამშვებ პუნქტზე ,,წითელი ხიდი“ აზერბაიჯანის რესპუბლიკის მხრიდან შემოვიდა სატვირთო ავტომობილი, რომელსაც აზერბაიჯანის მოქალაქე მართავდა. ავტომობილის მფლობელმა ფინანსთა სამინისტროს შემოსავლების სამსახურის მებაჟე ოფიცერთან გასაუბრებისას განაცხადა, რომ დასადეკლარირებელ ნივთებს არ ფლობდა, თუმცა ეჭვის საფუძველზე, ავტომობილის დეტალური დათვალიერების შედეგად, 21 მილიონ 680  ათასი რუსული რუბლი იქნა აღმოჩენილი.

აღნიშნულმა თანხამ  ეროვნული ბანკის კურსის შესაბამისად  915 633  ლარი შეადგინა"- ნათქვამია განცხადებაში.