საქალაქო სასამართლოში ამ წუთებში 5 ივლისის საქმის განხილვა იწყება.  მოსამართლე დღეს ტელეკომპანია "ფორმულას" ფოტოგრაფს მოუსმენს.  ვახო ქარელი ერთ-ერთი იყო, ვისაც მოძალადე რადიკალები სასტიკად გაუსწორდნენ. ფოტოგრაფისთვის დაზიანებების მიყენების გამო  პოლიციას ორი ადამიანი ჰყავს დაკავებული. 

ქარელის გარდა დღევანდელ პროცესზე კიდევ 9 მოწმე დაიკითხება. მათ შორის არიან ის სამართალდამცველები, რომლებმაც საგამოძიებო მოქმედებები ჩაატარეს.

სასამართლო პროცესს 7 ბრალდებულიდან 5 დაესწრება. არცერთი მათგანი ბრალს არ აღიარებს. 

5 ივლისის საქმეზე ძალადობრივი დაჯგუფების არცერთი ლიდერი ამ დრომდე დაკავებული არ არის. აპირებს თუ არა პროკურატრა მთავარი იდეოლოგების დაკავებას უცნობია.