ხვალიდან ამინდი მკვეთრად უარესდება - 9-დან 12 მარტის ჩათვლით  საქართველოში მოსალოდნელია ცივი და ნალექიანი ამინდი,  რეგიონებში კი ძლიერი თოვა, ნისლი და ქარბუქი. სპეციალისტები  ზღვაზე 3-4 ბალიან ღელვას პროგნოზირებენ. 

მოსალოდნელმა ძლიერმა ნალექებმა შესაძლებელია, დასავლეთ საქართველოს მდინარეებზე წყლის დონის მნიშვნელოვანი მატება, ხოლო მთიან ზონებში ზვავების ფორმირება და მეწყრული პროცესების ჩასახვა - გააქტიურება გამოიწვიოს.

საავტომობილო გზების ცალკეულ მონაკვეთებზე დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო შესაძლებელია, შეიზღუდოს ტრანსპორტის მოძრაობა.