თბილისის ცენტრში განგსტერული გარჩევის მონაწილეები, ევგენი ნაჭყებია, ხვიჩა გაბუნია და თორნიკე ხრისტესტომიდი, თბილისის საქალაქო სასამართლომ პატიმრობაში დატოვა.

განგსტერული გარჩევა ტურისტებით სავსე ქუჩაზე - ,,ტვ პირველის" "შაბათის ეთერმა" თბილისის შუაგულში, მომხდარი სისხლიანი დაპირისპირების  დეტალები შაბათს გაასაჯაროვა. 

"ტვ პირველის" გამომძიებელი ჟურნალისტების მიერ მოპოვებული კადრების თანახმად, არაფორმალური დაჯგუფების ათობით წევრი აღმაშენებელზე 11 ივლისს, 23:30 წუთზე გამოჩნდა.  

შეიარაღებული დაპირისპირებიდან მალევე, ჩხუბის 2 მონაწილე დაიჭრა.  ერთ-ერთს გულსა და ფილტვში საშაურმიდან   გამოტანილი სამზარეულოს დანა ჩაარტყეს. 32 წლის მამაკაცი ადგილობრივებმა "ალადაშვილის კლინიკაში"  გადაიყვანეს. 

"შაბათის ეთერის" ანონსის გასვლიდან რამდენიმე საათში, შსს-მ განაცხადა, რომ დაკავებულია ორი პირი, ერთს კი ბრალი დაუსწრებლად წარედგინა.