თელავში ავარიის შედეგად 2 ადამიანი დაშავდა
თელავში ავარიის შედეგად 2 ადამიანი დაშავდა. ავტოსაგზაო შემთხვევა სოფელ ვარდისუბანთან მოხდა.
ერთმანეთს ორი ავტომობილი შეეჯახა. დაშავებულები თელავის საავადმყოფოში გადაიყვანეს.
მომხდარზე გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს. მუხლი სატრანსპორტო საშუალების მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.