ბრალდებულმა სასამართლოში  მოსამართლე დაწყევლა - დაწყევლილმა მოსამართლემ კი პატიმარი დარბაზიდან გააძევა. პროცესი მცხეთის რაიონულ სასამართლოში მიმდინარეობდა.

ხმაური სასამართლოში მას შემდეგ დაიწყო, რაც მოსამართლე რევაზ ნადოიმ დაცვის მხარეს ერთ-ერთი შუამდგომლის დაკმაყოფილებაზე უარი უთხრა.

ადვოკატი აცხადებდა, რომ მოსამართლე და პროკურორი მიკერძოებულები იყვნენ და მათს აცილებას ითხოვდა.

აღნიშნულმა ფაქტმა ბრალდებულების გაღიზიანება გამოიწვია და ერთ-ერთმა დაპატიმრებულმა, ბექა შენგელიამ, მოსამართლე დაწყევლა.

ბოლო ბოლო, გუიანტანომოში ვართ, თუ სად? რანაირად დავმშვიდდე, მიყვებით დინებას და ბოლოში რას გამომიცხადებთ, კარგად ვიცი.

ეშმაკმა ისე გაგამწაროთ, რომ ერთმანეთს დაერიოთ, თქვენიანებს დასდევდეთ  -  თქვა ბრალდებულმა შენგელაიამ.

მიხეილ ხარებავას, ბექა და გიორგი შენგელიებს გამოძიება პოლიციის მიმართ დაუმორჩილებლობასა და წინააღმდეგობის გაწევას, ასევე დანაშაულის შეიტყობინებლობას ედავება. 

ბექა შენგელიას ინციდენტი წინა პროცესზეც შეემთხვა, მან პროკურორს ბოტასი ესროლა.