ძლიერი ცეცხლი დასახლებულ პუნქტს უახლოვდება. საფრთხეში ახლა სოფელი აწყურია. ყველაზე დიდი კერა მოსახლეობას მხოლოდ სამი კილომეტრით აშორებს.

მოსახლეობა შესაბამისი უწყებების მიერ დაგვიანებულ რეაქციაზე საუბრობს და ამბობს, რომ თავის დროზე შსს-მ ვერტმფრენი არ გამოიყენა.

“სახლებში შემოდის სუნი, ვერ ვჩერდებით, გვეშინია, რომ ხანძარმა ღამე ჩვენამდე არ ჩამოაღწიოს  და არ ჩავიწვათ სახლებში მოსახლეობა. ცოტა დააგვიანდათ ხანძრის ჩასაქრობად მოსვლა და მაგიტომაც გაძლიერდა“. - ამბობს მოსახლეობა.

სოფელში ელექტროენერგია გათიშეს.

მაღალი ტემპერატურისა და ძლიერი ქარის გამო მუშაობა შეაჩერა ავიაციამაც.

საგანგებო მდგომარეობის გამო მოქალაქეებს სთხოვენ არ დაანთონ ცეცხლი ტყის სიახლოვეს და სასოფლო - სამეურნეო სავარგულებთან. 

ხეობაში მხოლოდ მძიმე ტექნიკა მუშაობას და მიუვალი გზები გაჰყავთ, საღამოსთვის კი მეხანძრე მაშველები შიშველი ხელებით უნდა ჩაერთონ სამუშაოებში.