ირანული ენის თარჯიმანი პატიმრობაში დატოვეს.

ვიდრე ეს მოხდებოდა, სხდომათა დარბაზში ფერეიდნიდან წლების წინ ჩამოსახლებულმა მამაკაცმა დუმილი დაარღვია  და სუს-ის გამომძიებლები ძალადობაში ამხილა. 

უფლებადამცველები დავის გაგრძელებას სააპელაციო სასამართლოში  აპირებენ.

კაცი, რომელიც შინაგან საქმეთა სამინისტროში თარჯიმნად მუშაობდა, გორის ქუჩაზე ჩატარებული სპეცოპერაციის დროს საკუთარი სახლიდან სუს-მა 2 დღის წინ აიყვანა.

გამოძიება ირანული ენის თარჯიმანს იარაღის უკანონო შეძენა-შენახვას ედავება, თუმცა ოჯახი ამტკიცებს, რომ ფერეიდნიდან, წლების წინ ჩამოსახლებულ მამაკაცს  პისტოლეტი ჩაუდეს.