"ეს კოლექტიური უსაფრთხოებაზე დარტყმაა" - ამ განცხადებით ეხმაურება უკრაინის პრეზიდენტი ვოლოდიმირ ზელენსკი პოლონეთში სავარაუდოდ რუსული რაკეტების ჩამოვარდნის შესახებ გავრცელებულ ინფორმაციას.

ზლენსკი ცივილიზებულ სამყაროს მოქმედებისკენ მოუწოდებს: 

ტერორი არ შემოიფარგლება ჩვენი სახელმწიფო საზღვრებით. რუსული რაკეტები პოლონეთს მოხვდა.

რამდენჯერ უთქვამს უკრაინას, რომ ტერორისტული სახელმწიფო ჩვენი ქვეყნით არ შემოიფარგლება? რაკეტების სროლა ნატო-ს ტერიტორიაზე, ეს არის რუსული სარაკეტო თავდასხმა კოლექტიურ უსაფრთხოებაზე! ეს არის ძალიან მნიშვნელოვანი ესკალაცია. ჩვენ უნდა ვიმოქმედოთ“, - ამბობს ზელენსკი.

პოლონეთში სავარაუდოდ ორი რუსული ჩამოვარდა, რის შედეგადაც 2 ადამიანი დაიღუპა - ინფორმაციას პოლონური და საერთაშორისო მედიის წარმომადგენლები აქტიურად ავრცელებენ.