უამინდობა და დაბალი ტემპერატურა რეგიონებში - იმერეთში ძლიერმა ქარმა საცხოვრებელი სახლების სახურავები, სამოქალაქო ინფრასტუქტურა და ელექტროგადამცემი ხაზები დააზიანა, მოგლეჯილია ხეები. 

სტიქიის შედეგად ქუთაისში 70-მდე სახლი დაზიანდა. ადგილობრივი მუნიციპალიტეტის ცნობით, სამასზე მეტი აბონენტი ელექტროენერგიისა და სასმელი წყლის გარეშეა დარჩენილი.

მოსახლეობა ხელისუფლებას დახმარებას სთხოვს.

რა ზარალი გამოიწვია სტიქიამ იმერეთში, ამ დროისთვის ინფორმაცია არ არსებობს.