ძლიერმა  სეტყვამ  ყვარლის მუნიციპალიტეტში არსებული  სასოფლო- სამეურნეო სავარგულები მნიშვნელოვნად დააზიანა. ადგილობრივების თქმით, დაზიანებულია ვენახების ასობით ჰექტარი. 

ძლიერმა ქარმა ქალაქში მრავალწლოვანი ხეები მიგლიჯა, რის გამოც  მარჯანიშვილის ქუჩაზე ავტომობილებით მოძრაობა  დროებით შეფერხებულია. 

ადგილზე სახანძრო- სამაშველო ბრიგადები დროულად მივიდნენ. ამ წუთებში მიმდინარეობს გზის გაწმენდითი სამუშაოები. 

სტიქიის ზონაში მუშაობს მერიის ყველა შესაბამისი სამსახური.