გორის ყოფილი ბაზრის ტერიტორია ამ დრომდე უყურადღებოდაა მიტოვებული - რეკრეაციული ზონის ნაცვლად გურამიშვილის ქუჩა ნაგავსაყრელადაა ქცეული.

არადა ამ ადგილის მწვანე ზონად გადაკეთებას ხელისუფლება მოსახლეობას ჯერ კიდევ 2020 წელს ჰპირდებოდა.

გორის ყოფილი ბაზრის ტერიტორიიდან რამდენიმე მეტრში მდებარეობს ის ადგილი, საიდანაც გარემოვაჭრეები რამდენჯერმე აყარეს. გარემოვაჭრეები ითხოვენ ყოფილი ბაზრის ტერიტორიაზე შეუშვან და პირობას დებენ, რომ ინფრასტრუქტურას მოაწესრიგებენ.