კახეთში სეტყვის შედეგად დაზარალებულ გლეხებს სახელმწიფო ყურძნის ჩაბარებას 0.90 თეთრად სთავაზობს. ამის შესახებ განცხადებას ღვინის ეროვნული სააგენტო ავრცელებს.

სახელმწიფო მზად არის, სეტყვით დაზიანებული ყურძნის მიღება-გადამუშავებისთვის.

სახელმწიფო საწარმო შპს "მოსავლის მართვის კომპანია" მზად არის მევენახე ფერმერებისგან მიიღოს და გადაამუშავოს სეტყვით დაზიანებული ყურძენი და 1 კილოგრამში 0.90 ლარი გადაუხადოს.

ძლიერმა სეტყვამ და ქარმა, კახეთის რეგიონში, ყვარლის, თელავის, ახმეტის, სიღნაღის და გურჯაანის მუნიციპალიტეტებში სხვადასხვა სასოფლო სამეურნეო კულტურები, მათ შორის, ვენახები დააზიანა.

რთველის საკოორდინაციო შტაბი 24-საათიან რეჟიმში მუშაობს და ყველა რესურსი მობილიზებულია იმისთვის, რომ დაზარალებულმა მევენახეებმა შეუფერხებლად შეძლონ მოსავლის დაბინავება," - ნათქვამია განცხადებაში.

კახეთში სტიქიის შედეგად მიყენებულ ზარალს ითვლიან. რამდენიმე წუთიანმა სეტყვამ კახელი გლეხები მოსავლის გარეშე დატოვა. ფაქტრობივად, 100%-ით არის განადგურებულიიი ყურძენი.